Embedded Files
We are doing a site revamp. Sorry for the inconvenience.
യഹോവ ദൈവമാകും ജാതി
ഭൂവിലേറ്റം ഭാഗ്യമുള്ളവര്‍ (2)
1
തണലായ്‌ അരികേ അത്യുന്നതന്‍
നിഴലായി ഉള്ളത് സര്‍വ്വശക്തന്‍ (2)
മാലാഖമാരെന്നും കാവലുണ്ടേ
ഉല്ലാസത്തിന്‍ ഘോഷം കൂടാരത്തില്‍ (2) (യഹോവ..)
2
നദി പോല്‍ നിറയും സമാധാനം
കവിയും തോടു പോല്‍ മഹത്വങ്ങള്‍ (2)
പെറ്റമ്മയെപ്പോല്‍ ആശ്വാസവും
നല്‍കീടുവാന്‍ അവന്‍ കൂടെയുണ്ട് (2) (യഹോവ..)
3
മഴപോല്‍ ചൊരിയും തന്‍ വചനം
മഞ്ഞുപോല്‍ പൊഴിയും തന്‍ കൃപകള്‍ (2)
മലര്‍വാടിയായി മാറ്റും മരുഭൂമി
ഉദ്യാനമായി മാറ്റും കൂടാരങ്ങള്‍ (2) (യഹോവ..)
4
ഒരുനാള്‍ തീര്‍ന്നീടും മരുവാസം
പലനാള്‍ കാംക്ഷിച്ച ഭാഗ്യദേശം (2)
അവകാശമാക്കും തന്‍ മക്കള്‍
മഹല്‍ ഭാഗ്യമോടെ വാഴും നിത്യം (2) (യഹോവ..)
Lyrics: ലിസിക്കുട്ടി രാജീവ്‌
Album: കൃപമേല്‍ കൃപ Vol. 4
Google Sites
Report abuse