ആശ്വാസമേകുവാന്‍ നീ മതി നാഥാ

സ്തുതികള്‍ക്കു യോഗ്യന്‍ യാഹെന്ന ദൈവം

ആരാധിപ്പാന്‍ യോഗ്യന്‍ വല്ലഭനാം ദൈവം

                            1

ഉള്ളം തകരുമ്പോള്‍ അറിയുന്ന നാഥാ

അഗതികള്‍ക്കാശ്വാസം നീ തന്നെയെന്നും

ഈ മരുയാത്രയില്‍ ജീവന്നുറവയാം

നീയില്ലയെങ്കിലെന്‍ ജീവിതം ശൂന്യം

                            2

കണ്ണു നിറയുമ്പോള്‍ തുടച്ചിടും നാഥാ

ഞാനൊന്നു തളര്‍ന്നാല്‍ നീയെന്നെ താങ്ങും

ഈ ലോകയാത്രയില്‍ കരുണയിന്‍ ഒളിയാം

നീയില്ലയെങ്കിലെന്‍ ജീവിതം ശൂന്യം

                            3

മനം പുതുക്കി ഞാന്‍ കാത്തിടും പ്രിയനെ

ഏഴയാമെനിക്കെന്നും പുതുബലം തരിക

ഈ ധരണിയതില്‍ കരുതലിന്‍ തണലാം

നീയില്ലയെങ്കിലെന്‍ ജീവിതം ശൂന്യം