കരുണ നിറഞ്ഞ പിതാവേ നീ

കരുണ നിറഞ്ഞ പിതാവേ നീചൊരിയണേ നിന്നുടെ കാരുണ്യം

നിന്നുടെ കരുണാധാരകളാല്‍

എന്നെ കഴുകണേ നാഥാ നീ (കരുണ..)

                   1

പാപക്കറകളെ എല്ലാം നീ

നന്നായ്‌ കഴുകി കളയണമേ

താതാ മാമക പാപങ്ങള്‍

ഘോരമെന്നും നിന്‍ കണ്‍ മുന്‍പില്‍

നിന്നോടാണേ ദ്രോഹങ്ങള്‍

സര്‍വ്വം ചെയ്തതും സര്‍വ്വേശാ

തെറ്റും കുറ്റവും എല്ലാം ഞാന്‍

ചെയ്തതു നിന്നുടെ തിരുമുന്‍പില്‍ (കരുണ..)

                   2

നാഥാ ഒന്നു തുറക്കണമേ

അലിവോടെന്നുടെ അധരങ്ങള്‍

താവകഗീതികള്‍ പാടിടുവാന്‍

വ്യഗ്രത പൂണ്ടു വിറയ്ക്കുന്നു

എളിമ നിറഞ്ഞൊരു ഹൃദയത്തില്‍

ഉള്ളു തകര്‍ന്നുള്ളനുതാപം

നിരസിക്കല്ലേ കര്‍ത്താവേ

കരുണ നിറഞ്ഞ പിതാവേ നീ (കരുണ..)