കാണുന്നു ഞാന്‍ വിശ്വാസത്താല്‍ എന്‍ മുന്‍പില്‍ ചെങ്കടല്‍ രണ്ടാകുന്നു
കാണുന്നു ഞാന്‍ വിശ്വാസത്താല്‍
എന്‍ മുന്‍പില്‍ ചെങ്കടല്‍ രണ്ടാകുന്നു (2)
കാണാത്ത കാര്യങ്ങള്‍ കണ്മുന്‍പിലെന്നപോല്‍
വിശ്വസിച്ചീടുന്നു എന്‍ കര്‍ത്താവേ (2) (കാണുന്നു..)
1
യെരിഹോ മതിലുകള്‍ ഉയര്‍ന്നു നിന്നാല്‍
അതിന്‍ വലുപ്പം സാരമില്ല (2)
ഒന്നിച്ചു നാം ആര്‍പ്പിട്ടെന്നാല്‍
വന്‍ മതില്‍ വീഴും കാല്‍ച്ചുവട്ടില്‍ (2) (കാണുന്നു..)
2
അഗ്നിയിന്‍ നാളങ്ങള്‍ വെള്ളത്തിന്നോളങ്ങള്‍
എന്നെ തകര്‍ക്കുവാന്‍ സാധ്യമല്ല (2)
അഗ്നിയിലിറങ്ങി വെള്ളത്തില്‍ നടന്നു
കൂടെ വരുവാന്‍ കര്‍ത്തനുണ്ട് (2) (കാണുന്നു..)
3
നാലു നാളായാലും നാറ്റം വമിച്ചാലും
കല്ലറ മുന്‍പില്‍ കര്‍ത്തന്‍ വന്നീടും (2)
വിശ്വസിച്ചാല്‍ നീ മഹത്വം കാണും
സാത്താന്‍റെ പ്രവര്‍ത്തികള്‍ തകര്‍ത്തിടുമേ (2) (കാണുന്നു..)
Lyrics & Music: സുനില്‍ പത്തനാപുരം