നിന്‍റെ സ്നേഹം എന്‍റെ പ്രാണന് ജീവനരുളും സാന്ത്വനം
നിന്‍റെ സ്നേഹം എന്‍റെ പ്രാണന്
ജീവനരുളും സാന്ത്വനം
നിന്‍റെ ചുടുനിണം എന്‍റെ മനസ്സിനു
കൃപകളൊഴുകും സാഗരം
യേശുവേ യേശുവേ ധന്യമായെൻ ജീവിതം (നിന്‍റെ..)
1
നിന്‍റെ രൂപം എന്‍റെ ഹൃത്തിനു
കുളിരു പൊഴിയും ദർശനം (2)
നിന്‍റെ കണ്ണുകൾ എന്‍റെ വീഥിയിൽ
ശോഭയേകും ദീപകം
യേശുവേ യേശുവേ ധന്യമായെൻ ജീവിതം (നിന്‍റെ)
2
നിന്‍റെ മുറിവുകൾ എന്‍റെ നോവിനു
സൗഖ്യമേകും തേൻ കണം (2)
നിന്‍റെ ശാന്തത എന്‍റെ നാവിനു
അലിവു നിറയും ഗീതകം
യേശുവേ യേശുവേ ധന്യമായെൻ ജീവിതം (നിന്‍റെ..)