സ്നേഹനാഥാ യേശുവേ നിന്നെ സ്വാഗതം ചെയ്‌വൂ ഞാനിതാ
സ്നേഹനാഥാ യേശുവേ നിന്നെ സ്വാഗതം ചെയ്‌വൂ ഞാനിതാ (2)
ഹൃദയത്തിന്‍ കോവിലില്‍ പ്രഭ തൂകും ദീപമായ്
നീ വരുമ്പോള്‍ ജീവിതം ധന്യമായ് (സ്നേഹനാഥാ..)
1
ശൂന്യത ബോധവുമതിന്‍റെ ശോകമാം ഭാവവുമണിഞ്ഞു (2)
തളര്‍ന്നിടുമ്പോള്‍ തകര്‍ന്നിടുമ്പോള്‍ ഭീതിയേറിടുമ്പോള്‍
മരുഭൂവില്‍ ജലം തേടും പഥികനാമെന്‍റെ വീഥിയില്‍
നീ വരുമ്പോള്‍ ജീവിതം ധന്യമായ് (സ്നേഹനാഥാ..)
2
പാപമാം കൂരിരുള്‍ നിറഞ്ഞും ക്ലേശമാം ക്രൂശുകള്‍ ചുമന്നും (2)
കുഴഞ്ഞിടുമ്പോള്‍ വീണിടുമ്പോള്‍ ആധിയേറിടുമ്പോള്‍
എരിതീയില്‍ കുളിര്‍ തേടും അനാഥനാമെന്‍റെ മനസ്സേ
നീ വരുമ്പോള്‍ ജീവിതം ധന്യമായ് (സ്നേഹനാഥാ..)