എന്നവിടെ വന്നു ചേരും ഞാന്‍ മമ കാന്താ നിന്നെ

എന്നവിടെ വന്നു ചേരും ഞാന്‍ മമ കാന്താ നിന്നെവന്നു കണ്ടു വാഞ്ഛ തീരും ഹാ (2)

നിന്നോട് പിരിഞ്ഞിന്നരകുല-ത്തിരിക്കയെന്നതിന്നൊരിക്കലും സുഖം

തന്നിടുന്നതില്ലായ്കയാല്‍ പരനേശുവേ ഗതി നീ എനിക്കിനി (2) (എന്നവിടെ..)

                                1

നിന്‍ മുഖത്തു നിന്നു തൂകുന്ന മൊഴിയെന്‍റെ

താപമിന്നു നീക്കിടുന്നു നായകാ (2)

നിന്നതി മൃദുവായ കൈയിനാല്‍ എന്നെ നീ തടവുന്നോരക്ഷണം

കണ്ണുനീരുകള്‍ ആകവേയൊഴിഞ്ഞുന്നതാനന്ദം വന്നിടുന്നു മേ (2) (എന്നവിടെ..)

                                2

തിത്തിരികള്‍ അന്യ മുട്ടയെ വിരിയിച്ചിടും പോല്‍

ലുബ്ദരായോര്‍ ഭൂധനങ്ങളെ (2)

ചേര്‍ത്തു കൂട്ടിയിട്ടാ ധനങ്ങളിന്‍ മേല്‍ പൊരുന്നിരുന്നായവ വിരി-

ഞ്ഞാര്‍ത്തി നല്‍കിടും മാമോന്‍ കുട്ടികളായ് പുറപ്പെടുന്നാര്‍ത്ത നാഥനേ (2) (എന്നവിടെ..)

                                3

കാത്തിരിക്കുന്നാത്മ നാഥനേ ഭൂവനത്തിലുള്ള

കാത്തിരിപ്പിന്‍ പൂര്‍ത്തി നാളിനെ (2)

മത്സര കുലം ലജ്ജയാല്‍ മുഖം താഴ്ത്തിടും പടിയെങ്ങള്‍ ദണ്ഡുകള്‍ 

പൂക്കണേ പുതു ഭംഗിയില്‍ ബദാം കായകളെ അവ കായ്ക്കണേ സദാ (2) (എന്നവിടെ..)