ബെത്ലഹേം പുരിയിലായ് വന്നു പിറന്നു യേശു

പോയിടാം കൂട്ടരേ സ്വര്‍ലോകനാഥന്‍റെ

ജനനത്തെ ലോകമെങ്ങും ഘോഷിച്ചിടാം (2)

തപ്പ് താള മേളമോടെ ഒത്തു ചേര്‍ന്നു പാടിടാം

സ്വര്‍ഗ്ഗനാഥന്‍ ഭൂവില്‍ വന്ന സുദിനം

ആര്‍ത്തു പാടി ഘോഷിച്ചിടാം - ഇന്ന്

ആര്‍ത്തു പാടി ഘോഷിച്ചിടാം (തപ്പ് താള..)

                        1

രാജാധിരാജാവാം ശ്രീയേശു നാഥന്‍റെ

തൃപ്പാദം കുമ്പിട്ടിടാം (2)

ആമോദരായിന്നു ആനന്ദഗീതികള്‍

സാമോദം വാഴ്ത്തിപ്പാടാം (2) (പോയിടാം..)

                        2

അജപാലകരെല്ലാം ആഹ്ലാദത്താലിന്നു

നാഥനെ സ്തുതിച്ചിടുന്നു (2)

ശാസ്ത്രിമാര്‍ മൂവരിന്നു കാഴ്ചകള്‍ അര്‍പ്പിച്ചു

രാജനെ വന്ദിക്കുന്നു (2) (പോയിടാം..)