സ്തോത്രമോടിന്നിതാ അണഞ്ഞിടുന്നു
സ്തോത്രമോടിന്നിതാ അണഞ്ഞിടുന്നു
നിന്‍കൃപാ ദാനങ്ങള്‍ പകര്‍ന്നീടണെ
നന്ദിയല്ലാതൊന്നും നല്‍കീടുവാന്‍
എന്‍ ജീവിതത്തില്‍ ഇല്ല യേശുനാഥാ (2) (സ്തോത്ര..)
1
കാരുണ്യം തൂകുന്ന നിന്‍ കണ്ണുകള്‍
വാത്സല്യമേകുന്ന നിന്‍ മൊഴികള്‍ (2)
എന്‍ ജീവിതത്തില്‍ ശാന്തി ഏകീടുവാന്‍
കാരുണ്യവാരിധേ കനിയേണമേ (2) (സ്തോത്ര..)
2
സ്നേഹം നിറഞ്ഞ നിന്‍ സാമീപ്യവും
ആശ്വാസമേകുന്ന സാന്നിദ്ധ്യവും (2)
എന്‍ ജീവിതത്തില്‍ പുണ്യം ആയിടുവാന്‍
സ്നേഹനാഥാ മനസ്സലിയണമേ (2) (സ്തോത്ര..)
3
ക്രൂശില്‍ സഹിച്ച നിന്‍ യാതനയും
എന്‍ പേര്‍ക്കായ് ഏറ്റതാം വേദനയും (2)
എന്‍ പ്രാണപ്രിയാ നന്ദിയോടോര്‍ക്കുമ്പോള്‍
സ്തോത്രമല്ലാതെന്തു നല്‍കിടും ഞാന്‍ (2) (സ്തോത്ര..)