നഷ്ടങ്ങളിലും പതറിടല്ലേ

നഷ്ടങ്ങളിലും പതറിടല്ലേ

കണ്ണുനീരിലും തളര്‍ന്നിടല്ലേ

ഞാനെന്നും നിന്‍റെ ദൈവം

നീയെന്നും എന്‍റേതാണേ (2) (നഷ്ടങ്ങളിലും..)

                        1

നിന്‍റെ വിശ്വാസമോ ഭംഗം വരികയില്ല

അതു പ്രാപിച്ചിടും നിശ്ചയം

അതു പ്രാപിക്കുമ്പോള്‍ നഷ്ടം ലാഭമാകും

ദുഃഖം സന്തോഷമായി മാറും (2) (നഷ്ടങ്ങളിലും..)

                        2

നിന്നെ തകര്‍ക്കുവാനോ നിന്നെ മുടിക്കുവാനോ

അല്ലല്ല ഈ വേദന

നിന്നെ പണിതെടുത്ത് നല്ല പൊന്നാക്കുവാന്‍

അല്ലയോ ഈ ശോധന (2) (നഷ്ടങ്ങളിലും..)

                        3

നിന്നെ കുറ്റം വിധിച്ച് തള്ളിക്കളഞ്ഞെന്നാലും

പിന്മാറിപ്പോയിടല്ലേ

പിറുപിറുപ്പില്ലാതെ മുന്‍പോട്ടു പോകുക

യേശു എന്നും നിന്‍റെ കൂടെ (2) (നഷ്ടങ്ങളിലും..)