ശോകമൂകമാകുമെന്‍ മനസ്സിന്‍റെ വീഥിയില്‍

ശോകമൂകമാകുമെന്‍ മനസ്സിന്‍റെ വീഥിയില്‍

കരുണ തന്‍ വര്‍ഷമായ്‌ ആര്‍ദ്രത തോന്നണേ

നൈവേദ്യമേകിടാന്‍ അനുതാപവേളയില്‍

അനുവാദമേകുമോ അലിവിന്‍റെ നായകാ (ശോക..)

                                1

ഇരുള്‍ വന്നു മൂടുമെന്‍ ഏകാന്ത യാത്രയില്‍

അരുതാത്തതൊക്കെയും അറിയാതെ ചെയ്തുപോയ്‌ (2)

ക്ഷമിക്കുവാനാകുമോ എന്നോടെന്‍ ദൈവമേ 

ശിക്ഷയേതുമേല്‍ക്കുവാന്‍ അരികിലായ്‌ നില്‍പ്പു ഞാന്‍ (ശോക..)

                                   2

നൊന്തു നീറുമെന്‍റെയീ ആശയറ്റ ജീവിതം

കാഴ്ചയായി വെച്ചിടാം കനിവു തോന്നിയേല്ക്കണേ (2)

പാപിയാണെങ്കിലും അനുതാപിയാണു ഞാന്‍

അകതാരില്‍ നിന്നുമീ ആത്മീയ യാചന (ശോക..)

Album: പുറപ്പാട്

Lyrics & Music: സജി ലൂക്കോസ്