എനിക്കായ് കരുതിയ എന്‍ ദൈവം

പാടി സ്തുതിച്ചീടും ആര്‍ത്തു ഘോഷിച്ചീടും

സര്‍വ്വശക്തനെ വിശ്വാസത്തോടാരാധിച്ചീടും (2)

                        1

ലജ്ജിപ്പാന്‍ അവന്‍ സമ്മതിക്കുകില്ല

എന്‍റെ തലയെ കുനിക്കുകയില്ല (2)

കുറഞ്ഞുപോകില്ല ഉയര്‍ത്തി മാനിക്കും 

ഭാവിയെല്ലാം അവന്‍ ഭരമേല്‍ക്കും (2) (പാടി..)

                        2

സത്യത്തിന്‍ മാര്‍ഗ്ഗേ ഗമിച്ചുകൊണ്ട്

എന്‍റെ നാഥന്‍റെ സാക്ഷ്യം വഹിച്ചാല്‍ (2)

ആയിരം തലമുറ ദയ പ്രാപിച്ചീടും

നന്മയും കരുണയും പിന്തുടരും (2) (പാടി..)

                        3

വിശ്വസ്ത സേവനം ചെയ്തു ഞാനും

നല്ല ദാസിയേ എന്ന വിളി കേള്‍ക്കും (2)

സ്വസ്ഥതയിലെന്നെ പ്രവേശിപ്പിച്ചീടും

നിത്യതയില്‍ ഞാന്‍ ആനന്ദിച്ചീടും (2) (പാടി..)

Lyrics: ലിസിക്കുട്ടി രാജീവ്‌

Album: കൃപമേല്‍ കൃപ Vol. 4