ഗുരുവര നരപരനേശുപരാ - നിന്‍ തിരുവരം അടിയനു തരിക പരാ

                    പല്ലവി

ഗുരുവര നരപരനേശുപരാ - നിന്‍

തിരുവരം അടിയനു തരിക പരാ

                അനുപല്ലവി

തിരു പര മഹിമകള്‍ വെറുത്തിഹത്തില്‍

ഒരു ചെറു മനുഷ്യനായിരുന്ന പരാ- ഗുരു..

                 ചരണങ്ങള്‍

                           1

നരരിപു പേയുടെ ശിരം തകര്‍ത്തു-ഈ

നര ദുരിതാപഹം വരുത്തിടുവാന്‍

ധരണിയില്‍ അവതരിച്ച പരാ

തിരുവരനുതിയഹം ഉരച്ചീടുവാന്‍ - ഗുരു..

                           2

പരനുടെ തിരുദയ നീതികള്‍ക്കും-അ

ങ്ങൊരു കുറവരുതതിനിഹ ജനിച്ചു

വരബലി കുരിശതില്‍ കഴിച്ചപരാ

തിരുവരനുതിയഹം ഉരച്ചിടുവാന്‍ - ഗുരു..

                           3

മരിച്ചുപിന്‍ തിരിച്ചുയിര്‍ ധരിച്ച പരാ - ഈ

നരര്‍ക്കു നിന്‍ തിരുഹിതം ഉരച്ച പരാ

പരത്തിന്നു തിരിച്ചെഴുന്നരുളിയ നിന്‍

തിരുവരനുതിയഹം ഉരച്ചിടുവാന്‍ - ഗുരു..