സ്നേഹിച്ചീടും ഞാന്‍ എന്നും നിന്നെ!
സ്നേഹിച്ചീടും ഞാന്‍ എന്നും നിന്നെ!
എന്നെ സ്നേഹിച്ച എന്‍ യേശുവേ!
സ്നേഹിപ്പാന്‍ നീയല്ലാതിങ്ങില്ലേ!
ഇങ്ങുമെങ്ങും എന്‍ സ്നേഹം നീയേ
സ്നേഹിക്കും ഞാന്‍ നിന്നെ!
എല്ലാറ്റിനെക്കാളും യേശുവേ!
സ്നേഹിക്കും ഞാന്‍ നിന്നെ
എന്‍ ജീവനെക്കാളും യേശുവെ!
1
സ്നേഹിച്ചീടും! ഞാന്‍ ജീവിപ്പോളം!
സ്നേഹിക്കും! ജീവന്‍ പിരിഞ്ഞാലും!
സ്നേഹിക്കും! നിന്‍ കൃപയ്ക്കായെന്നും
സ്നേഹിക്കും! ഞാന്‍! നിന്‍ സ്നേഹത്തിനും (സ്നേഹിക്കും..)
2
നീ എന്നെ സ്നേഹിച്ചതുപോലെ
മറ്റാരും സ്നേഹിച്ചില്ല എന്നെ!
നിന്‍ ജീവനേയും നീ തന്നെന്നെ
സ്നേഹിച്ചതിന്‍ മഹാ ആഴമേ! (സ്നേഹിക്കും..)
3
എന്നേശുവിന്‍ സ്നേഹത്തെ വിട്ടു
മാറ്റുന്നതിനാര്‍ക്കു കൂടിടും?
ജീവന്‍ മരണം എന്താകട്ടെ
എന്‍ രക്ഷകനെ ഞാന്‍ സ്നേഹിക്കും! (സ്നേഹിക്കും..)
4
അങ്ങു ഞാന്‍ വന്നു ചേരും വരെ
നിന്‍ കൃപ തന്നു നിന്‍ സ്നേഹത്തെ
എപ്പോഴും ധ്യാനിച്ചു യേശുവേ!
നിത്യവും സ്നേഹിച്ചു ജീവിക്കും! (സ്നേഹിക്കും..)