കണ്ടാലും യേശുവിന്‍ സ്നേഹം

കണ്ടാലും യേശുവിന്‍ സ്നേഹംകേട്ടാലും സാന്ത്വന നാദം (2)

പാരാകേ വാഴ്ത്തിടും നാമം

എന്നുള്ളില്‍ നിറയുകയായി

മനസ്സില്‍ മധുമലരായ്

വിടരും തിരുമൊഴികള്‍

എങ്ങും കേള്‍ക്കുന്നിതാ

എങ്ങും കേള്‍ക്കുന്നിതാ (കണ്ടാലും..)

                        1

ഇടയന്‍റെ ചാരേ അണയുന്ന നേരം

കുഞ്ഞാടിനെപ്പോല്‍ കാത്തീടണേ (2)

അകതാരിലെന്നും ദൈവീകഭാവം

നിറയുന്ന നിമിഷങ്ങളായ്

ആത്മാവിന്‍ അഭിഷേകം അരുളേണം

പുതുസുഖമായ്‌ നീ (കണ്ടാലും..)

                        2

തിരുസ്നേഹമായ്‌ നീ നിറയേണമെന്നില്‍

തിരുമാറിലെന്നെ ചേര്‍ക്കേണമേ (2)

അതു മാത്രമാണെന്‍ മനസ്സിന്‍റെയുള്ളില്‍

ഉണരുന്ന വരയാചന 

എന്നാളും തിരുനാമം 

അകതാരില്‍ അരുളണമെന്നും (കണ്ടാലും..)