അതാ കേള്‍ക്കുന്നു ഞാന്‍ ഗതസമന തോട്ടത്തിലെ

അതാ കേള്‍ക്കുന്നു ഞാന്‍ ഗതസമന തോട്ടത്തിലെ..

പാപി എനിക്കായ് നൊന്തലറിടുന്ന

പ്രിയന്‍റെ ശബ്ദമത്..

                            1

ദേഹമെല്ലാം തകര്‍ന്നു ശോകം നിറഞ്ഞവനായ്

ദേവാധിദേവനിന്‍ സുതന്‍ എനിക്കായ്

പാടുകള്‍ പെട്ടിടുന്നേ..

                            2

പ്രാണവേദനയിലായ് രക്തം വിയര്‍ത്തവനായ്

എന്‍ പ്രാണനായകന്‍ ഉള്ളം തകര്‍ന്നിതാ

യാചന ചെയ്തിടുന്നേ..

                            3

അപ്പാ, ഈ പാനപാത്രം നീക്കുക സാദ്ധ്യമെങ്കില്‍

എന്നിഷ്ടമല്ല നിന്നിഷ്ടമാകട്ടെ

എന്നവന്‍ തീര്‍ത്തുരച്ചു

                            4

എന്നെയും തന്നെപ്പോലെ മാറ്റും ഈ മാസ്നേഹത്തെ

എണ്ണി എണ്ണി ഞാന്‍ ഉള്ളം നിറഞ്ഞെല്ലാ -

നാളും പുകഴ്ത്തിടുമേ..