ബാലരാകുന്ന ഞങ്ങളെ യേശുതമ്പുരാൻ കയ്യിലേൽക്കണം

ബാലരാകുന്ന ഞങ്ങളെ യേശുതമ്പുരാൻ കയ്യിലേൽക്കണം

ബാലരാകുന്ന ഞങ്ങൾക്കും കൃപ തന്നു മോക്ഷത്തിലാക്കണം

                                        1

സ്വര്‍ഗ്ഗരാജ്യത്തിൽ വന്നു ഞങ്ങളും ഭാഗ്യശാലികളാകുവാൻ

തക്ക പാതയിലാക്കണം യേശുതമ്പുരാൻ കൃപയൊന്നിനാൽ

                                        2

പണ്ടു താൻ ഭൂവിൽ വന്ന കാലത്തു ബാലരെയണച്ചെന്നപോൽ

ഇന്നും ബാലരെ ചേർക്കുവാൻ കരം നീട്ടണേ കൃപ നൽകണേ

                                        3

ബാലന്മാർ പലർ ലോകം വിട്ടും നിൻ മാർവിൽ ചേരുന്നു നിത്യമായ്

ബാലന്മാരെയുമോർക്കണേ നിന്‍റെ ആശ്വാസസ്ഥലവാസത്തിൽ

                                        4

എന്തു ഞങ്ങളാൽ ചെയ്-വതിന്നിങ്ങു സാധ്യമാമതിന്നപ്പനെ

ശക്തിയും നല്ല ബുദ്ധിയും നൽകി രക്ഷകാ വഴി കാട്ടണേ

                                        5

പൊന്നുനായകൻ വാനമേഘത്തിൽ വന്നു മക്കളേ ചേർക്കുമ-

ന്നാശയോടു നിന്‍ മക്കളായ് ഞങ്ങളങ്ങു ചേരുമാറാകണം (ബാലരാകുന്ന..)