പ്രാണപ്രിയ യേശുനാഥാ എന്നിങ്ങു വന്നീടും
പല്ലവി
പ്രാണപ്രിയ യേശുനാഥാ
എന്നിങ്ങു വന്നീടും
പൊന്‍മുഖം ഞാന്‍ ഒന്നു കാണ്മാന്‍
സര്‍വ്വം മറന്നു പാടാന്‍..
അനുപല്ലവി
നാഥാ വരണേ എന്‍റെ ദുരിതങ്ങള്‍ അകറ്റണമേ
ചരണങ്ങള്‍
1
നിന്‍ വരവിന്‍ ലക്ഷണങ്ങള്‍
നാടെങ്ങും കാണുമ്പോള്‍
വാഗ്ദത്തങ്ങളിലാശവച്ചു ഞാന്‍
നാള്‍തോറും കാത്തിടുന്നു.. (നാഥാ..)
2
തേജസില്‍ നീ വെളിപ്പെടും നാളില്‍
സല്‍ഫല പൂര്‍ണ്ണതയാല്‍
താവകസന്നിധേ ശോഭിതനാകുവാന്‍
ആത്മാവാല്‍ നയിക്കേണമേ.. (നാഥാ..)
3
നല്ല ദാസാ എന്‍ മഹത്വത്തില്‍
നീയും പ്രവേശിക്ക..
അന്‍പാര്‍ന്ന നിന്‍ സ്വരം ഇമ്പമായ്‌ കേള്‍ക്കുവാന്‍
എന്നേയും യോഗ്യനാക്കൂ.. (നാഥാ..)
4
ഇരുളിന്‍ വഴിയില്‍ അലയും സഹജരില്‍
രക്ഷയിന്‍ ദൂതേകാന്‍..
ആത്മഭാരം അടിയനിലേകണേ
തിരുഹിതം തികച്ചിടുവാന്‍ (നാഥാ..)