എന്‍റെ പ്രാണ സഖി യേശുവേ

പറക പറക ഞാന്‍ പ്രാര്‍ത്ഥിക്കുമ്പോൾ

കര്‍ത്താവെ ഈ നീച പാപിക്കു

പ്രേമ ഹിതത്തെ നീ കാട്ടുക (2)

                    1

നിന്നെ സ്നേഹിക്കുന്ന മക്കൾക്കു

ഉള്ളതാം എല്ലാ പദവികളും

അടിയാനും തിരിച്ചറിവാന്‍

അപ്പനേ ബുദ്ധിയെ തെളിക്ക (പറക..)

                    2

ഏലിയ എലീശ പ്രവരർ

ബലമായ്‌ ചെയ്ത ക്രിയകൾ കാണ്മാൻ

എലോഹിം എന്നെയും ഒരുക്ക

വേല നിന്നുടെയെന്നോര്‍ക്കുക (പറക..)

                    3

പാപികൾക്കു നിന്‍റെ സ്നേഹത്തെ

എന്‍റെ ശീലത്തിൽ ഞാൻ കാട്ടുവാൻ

കാല്‍വരീ മലമേൽ കാണിച്ച

അൻപിൻ ശീലം പകര്‍ന്നീടുക (പറക..)

                    4

എന്‍റെ ആയുസിന്‍റെ നാളെല്ലാം

നീ പോയ വഴിയേ പോകുവാന്‍

ആശയോടേശുവേ എന്നെ ഞാന്‍

ജീവ ബലിയായി നല്‍കിടുന്നേ (പറക..)

Lyrics: ജോണ്‍ ഈശോ