ഇന്നിങ്ങെഴുന്നുവായേ-ഈശോ

ഇന്നിങ്ങെഴുന്നുവായേ-ഈശോ

ഇമ്മാനുവേലേ നീയേ

                    1

വിണ്ണില്‍ നിന്നടിയാര്‍ക്കായ്‌-വിരഞ്ഞു യാത്ര ചെയ്തോനേ

പൊന്നീശോ ഗുണവാനേ-സ്വാമീ

പോറ്റുന്നടിയാര്‍ നിന്നെ- (ഇന്നി..)

                    2                    

ഗമനം ആഗമനവും-കനിഞ്ഞു നടത്തേണമേ

ക്ഷമയോടെഴുന്നു വായേ-സ്വാമീ

സകല നന്മയുള്ളോനേ- (ഇന്നി..)

                    3

ഇന്നീ ഭവനം വിട്ടു-യാത്ര ചെയ്യുന്നവര്‍ക്കു

നന്നേ നന്മകള്‍ തായേ-സ്വാമീ

നാഥന്‍ നീ കാവലായേ- (ഇന്നി..)

                    4

ഇങ്ങു വസിപ്പവര്‍ക്കും-യേശു നീയേ ശരണം

ഭംഗിയായ് പാലിക്കേണം-സ്വാമീ

പല നന്മകള്‍ നല്‍കണം- (ഇന്നി..)

                    5

പാപ പരീക്ഷകളും-പല കഷ്ടനഷ്ടങ്ങളും

കേവലം അടുക്കാതെ-സ്വാമീ

കൃപയോടു കാത്തുകൊള്‍വാന്‍- (ഇന്നി..)