ഇത്രനാളും ഞാന്‍ അറിഞ്ഞതല്ലേ

എണ്ണിക്കൂടാത്തതാം

നന്മകള്‍ നല്‍കി

ഇന്നയോളമെന്നെ

നടത്തിയില്ലേ..!

                       1

കാലിടറാതെന്‍ മനമിടറാതെ

കാതരവഴികളില്‍ കൂടെവരും

ഞാന്‍ വീണുപോയാല്‍ തന്‍ ഭുജങ്ങള്‍

നീട്ടിയെന്നെ താങ്ങുമവന്‍ (എണ്ണിക്കൂടാ..)

                       2

ജീവിത വേനല്‍ ചൂടിലെന്‍ ജീവന്‍

വാടിയുലഞ്ഞു കരിഞ്ഞാലും

തന്‍ സ്നേഹമഴയാലെന്നില്‍ തന്‍ പുതു-

ജീവനേകും ദൈവമവന്‍ (എണ്ണിക്കൂടാ..)

                       3

കൂരിരുള്‍ താഴ്വരെ ഞാന്‍ നടന്നാലും

കൂടെയുണ്ടെന്നുടെ നല്ലിടയന്‍

ഞാന്‍ പോലുമറിയാതെന്‍റെ വഴിയില്‍

കാവലായിടും സ്നേഹമവന്‍ (എണ്ണിക്കൂടാ..)