ഒരു നാളും നാഥാ സ്തുതിഗീതങ്ങള്‍
ഒരു നാളും നാഥാ സ്തുതിഗീതങ്ങള്‍
അടങ്ങുകില്ലെന്നില്‍ അടങ്ങുകില്ല (2)
എത്ര ദാനങ്ങള്‍ സ്വര്‍ഗ്ഗീയ ദാനങ്ങള്‍
എണ്ണിയാലൊരു നാളും തീരുകില്ല (ഒരു നാളും..)
1
പാപിയായിരുന്നെന്നെ പുത്രനായ്‌ മാറ്റി
ശാപക്കറകള്‍ക്കായ് തിരുനിണമേകി നീ (2)
തായ് മറന്നാലും താന്‍ മറന്നീടുമോ (2)
വാഴ്ത്തിടുമേ നാഥാ നിന്നെയെന്നും (ഒരു നാളും..)
2
കൈവിടുകില്ല താന്‍ ഒരുനാളുമെന്നെ
മറച്ചീടുമെന്നെന്നും ചിറകിന്നടിയില്‍ (2)
വാനമോ മാറിടും വാക്കു താന്‍ മാറുമോ (2)
ആനന്ദമേ നാഥാ നിന്‍റെ സ്നേഹം (ഒരു നാളും..)
3
പളുങ്കു കടല്‍ തീരം അണഞ്ഞീടുമൊരു നാള്‍
വീണകളോടെ നിന്‍ സ്തുതിഗീതം പാടുവാന്‍ (2)
കാണുമേ പ്രിയന്‍റെ പ്രേമമേറും മുഖം (2)
പരമമാം സ്നേഹത്തിന്‍ ദിവ്യരൂപം (ഒരു നാളും..)