അനുദിനമെന്നെ പുലര്‍ത്തുന്ന ദൈവം
അനുദിനമെന്നെ പുലര്‍ത്തുന്ന ദൈവം
അനവധി നന്മകള്‍ നല്‍കിടുന്നു
അനന്തമാം തിരുകൃപ മതിയേ
അനുഗ്രഹജീവിതം നയിച്ചീടുവാന്‍ (2)
1
അവനിയിലെ അനര്‍ത്ഥങ്ങളാല്‍
അലയുവാന്‍ അവനെന്നെ കൈവിടില്ല
അകമേ താനരൂപിയായ്‌ ഉള്ളതിനാല്‍
ആകുലമില്ലെനിക്കാധിയില്ല (2) (അനുദിനമെന്നെ..)
2
ജീവിതമാം എന്‍ പടകില്‍
വന്‍ തിരമാല വന്നാഞ്ഞടിച്ചാല്‍
അമരത്തെന്നഭയമായ് നാധനുണ്ടേ
അമരും വന്‍ കാറ്റും തിരമാലയും (2) (അനുദിനമെന്നെ..)
3
ബലഹീനമാം എന്‍ ശരീരം
ഈ മണ്ണില്‍ മണ്ണായ്‌ തീരുമെന്നാല്‍
തരും പുതു ദേഹം തന്‍ ദേഹസമം
തേജസ്സെഴുന്നൊരു വിണ്‍ ശരീരം (2) (അനുദിനമെന്നെ..)