ആത്മാവില്‍ പ്രാര്‍ത്ഥിപ്പാനീ സമയത്തില്‍
പല്ലവി
ആത്മാവില്‍ പ്രാര്‍ത്ഥിപ്പാനീ സമയത്തില്‍
ആത്മീയശക്തിയരുളേണം ദേവാ
ചരണങ്ങള്‍
1
ജീവാത്മാവിന്‍ മാരി ഞങ്ങള്‍ക്കയച്ചു
ജീവജപം ചെയ്‌വാന്‍ നീ കൃപ ചെയ്ക (ആത്മാവില്‍ ..)
2
ബലഹീന ദാസര്‍ക്കു ബലം നല്‍കീടേണം
ബലഹീന നാവെ നീ മാറ്റണം നാഥാ (ആത്മാവില്‍ ..)
3
വാനം തുറന്നേശുനാഥനേയിപ്പോള്‍
മാനമേറും കൈയാലാശീര്‍വദിക്ക (ആത്മാവില്‍ ..)
4
പ്രാര്‍ത്ഥിക്കും വായെ നീ തൊട്ടടിയാര്‍ക്ക്
പ്രാര്‍ത്ഥിപ്പാന്‍ വാക്കുകള്‍ നല്‍കണം നാഥാ! (ആത്മാവില്‍ ..)
5
യേശുവിന്‍ രക്തത്താല്‍ ശുദ്ധീകരിക്ക
ആശയോടേകമായ് പ്രാര്‍ത്ഥിച്ചീടുവാന്‍ (ആത്മാവില്‍ ..)
(ആഹരി - ആദിതാളം
"വരിക വരിക യേശു" - എന്ന രീതി)