എന്നോടുള്ള നിന്‍റെ ദയ എത്ര വലിയത്

അത് മഞ്ഞു പോലെ എന്മേല്‍ പൊഴിഞ്ഞു വീഴും

അത് മാരി പോലെ എന്മേല്‍ പെയ്തിറങ്ങും 

പര്‍വതം മാറിയാലും കുന്നുകള്‍ നീങ്ങിയാലും 

നിന്‍ ദയ എന്നെ വിട്ടു മാറുകില്ല (2) (എന്നോടുള്ള..)

                    1

അമ്മ തന്‍ ഉദരത്തില്‍ എന്നെ കണ്ടല്ലോ 

നിത്യ ദയയോടെ വീണ്ടെടുത്തല്ലോ  (2) 

നരയോളം ചുമക്കാമെന്നരുളിയോനേ 

നിന്നോട് തുല്യനായ് ആരുമില്ല (2) (എന്നോടുള്ള..)

                    2

പാപിയായിരുന്നെന്നെ തേടി വന്നല്ലോ 

പാവന നിണം ചിന്തി വീണ്ടെടുത്തല്ലോ (2) 

നിത്യതയോളവും നടത്തീടുവാന്‍ 

യേശുവേ നീ മാത്രം മതിയെനിക്ക് (2) (എന്നോടുള്ള..)