പ്രപഞ്ച സൃഷ്ടാവിന്‍ നാമം അത്യുന്നതം മഹോന്നതം

ആകാശത്തിന്‍ കീഴില്‍ ഏക രാജനായ്‌

മന്നിടത്തില്‍ രക്ഷകനാം യേശു നീ (2)

എല്ലാ നാവും നിന്‍റെ നാമം കീര്‍ത്തിക്കും

അങ്ങ് മാത്രം സര്‍വ്വേശ്വരന്‍

അങ്ങ് മാത്രം സര്‍വ്വേശ്വരന്‍ (പ്രപഞ്ച..)

                        1

മോക്ഷത്തിന്‍റെ വീഥിയില്‍ നീങ്ങിടുവിന്‍

മോഹത്തിന്‍റെ പാത വെടിഞ്ഞീടുവിന്‍

മാനസാന്തരപ്പെടുവിന്‍ എല്ലാവരും

സ്വര്‍ലോക രാജ്യം സമാഗതമായി

സത്യ ദൈവ പുത്രനാകും യേശുവിനെ

സത്യമായി വിശ്വസിച്ചിന്നാരാധിക്കാം (2) (ആകാശത്തിന്‍..)

                        2

ലോകത്തിന്‍റെ തിന്മ കണ്ടു ഭയന്നീടല്ലേ

കാലത്തിന്‍റെ മാറ്റം കണ്ടു പതറീടല്ലേ

ശക്തനായ ദൈവത്തിന്‍റെ തൃക്കൈകളില്‍

രക്ഷയേകും ശക്തിയുണ്ടെന്നു ഓര്‍ത്തീടുവിന്‍

നിത്യ ജീവന്‍ ഏകി നമ്മെ താങ്ങീടുവാന്‍

മര്‍ത്യനായി ദൈവത്തിന്‍റെ കുഞ്ഞാടവന്‍ (2) (പ്രപഞ്ച..)