പാദമെന്യേഗതിമേ

പാദമെന്യേഗതിമേ-ഇങ്ങി-

പ്പാരിലില്ല വേറെ യാതൊന്നും

താവക-പാദം

                             1

താതന്‍ വലത്തങ്ങു ദൂതഗണങ്ങളാല്‍

സാദരം പാടിപ്പുകഴ്ത്തിടും തിരു-പാദം

                             2

ഘോരമായ്‌ വാരിധി കമ്പംകൊണ്ടീടവേ

പാരിലെന്നോണം സലിലേ നടകൊണ്ട-പാദം

                             3

വീശും പരിമളമേറും നറു തൈലം

ആശയോടെ മേരി പൂശിച്ചുംബിച്ച നിന്‍-പാദം

                             4

പോക്കറ്റ എന്നുടെ മേല്‍വരും ശിക്ഷയെ

നീക്കിടുവാന്‍ മരക്രൂശുമേന്തിപ്പോയ-പാദം

                             5

വാനമതിലിടം മാനവര്‍ക്കേകിടാന്‍

ആണികള്‍ക്കായ്‌ സ്വയം നീട്ടിക്കൊടുത്ത നിന്‍-പാദം

                             6

പാദേയണയുവോര്‍ക്കാമോദാല്‍ ദിവ്യപ്ര-

സാദമരുളും ശ്രീയേശുമഹേശാ നിന്‍-പാദം