Malayalam Christian Songs‎ > ‎‎ > ‎

വിശുദ്ധിയെ തികച്ചു നാം ഒരുങ്ങിനില്‍ക്കാം


1. വിശുദ്ധിയെ തികച്ചു നാം ഒരുങ്ങിനില്‍ക്കാം
   പ്രിയന്‍വരവിനു താമസം ഏറെയില്ല - തന്‍റെ
   വാഗ്ദത്തങ്ങള്‍ പലതും നിറവേറുന്നേ - ഒരുങ്ങീടാം

2. യുദ്ധങ്ങള്‍ ക്ഷാമങ്ങള്‍ ഭൂകമ്പം പല
   വ്യാധികളാല്‍ ജനം നശിച്ചിടുന്നേ - രാജ്യം
   രാജ്യങ്ങളോടെതിര്‍ത്തു തുടങ്ങിയല്ലോ - ഒരുങ്ങീടാം

3. കൊട്ടാരങ്ങള്‍ തുടങ്ങി കൊട്ടില്‍വരെ ജനം
   കണ്ണുനീര്‍ താഴ്വരയിലല്ലയോ - ഒരു
   സ്വസ്ഥതയുമില്ല മനുഷ്യര്‍ക്കിഹേ - ഒരുങ്ങീടാം

4. ആകാശത്തിന്‍ ശക്തി ഇളകുന്നതാല്‍
   ഭൂവില്‍ എന്തുഭവിക്കുമെന്നോര്‍ത്തു കൊണ്ട്
   ജനം പേടിച്ചു നിര്‍ജ്ജീവരായിടുന്നേ - ഒരുങ്ങീടാം

5. ബുദ്ധിമാന്മാര്‍ പലര്‍ വീണിടുന്നേ - ദൈവ
    ശക്തി ത്യജിച്ചവരോടിടുന്നേ - ലോക
    മോഹങ്ങള്‍ക്കധീനരായ്‌ തീരുന്നതാല്‍ - ഒരുങ്ങീടാം

6. മേഘാരൂഡനായി വന്നിടുമേ പതിനായിരം
   പേരതില്‍ സുന്ദരന്‍ താന്‍ - തന്‍റെ
   കോമളരൂപം കണ്ടാനന്ദിപ്പാന്‍ - ഒരുങ്ങീടാം

7. മാലിന്യപ്പെട്ടിടാതോടീടുക മണവാളന്‍
   വരവേറ്റം അടുത്തുപോയി - മണിയറ
   യില്‍ പോയി നാം ആശ്വസിപ്പാന്‍ - ഒരുങ്ങീടാം
Comments