Malayalam Christian Songs‎ > ‎‎ > ‎

വെളുപ്പിനേയെഴുന്നേറ്റെന്‍ യേശുവിനോടെന്‍റെ


വെളുപ്പിനേയെഴുന്നേറ്റെന്‍ യേശുവിനോടെന്‍റെ
കാര്യങ്ങളോരോന്നായ്‌ പറഞ്ഞു വയ്ക്കും
ഇന്നു ഞാന്‍ എന്തെല്ലാം ചെയ്താലും
അതിലെല്ലാം നാഥാ നിന്നെ ഉള്‍പ്പെടുത്തും
നിന്നിഷ്ടം അറിഞ്ഞെല്ലാം നിര്‍വ്വഹിക്കും (വെളുപ്പിനേ..)
                      1
ഓരോ ചിന്തയും ബുദ്ധിയിലുദിക്കുമ്പോള്‍ 
നിന്‍ സ്തുതി മനസ്സിന്‍റെ മന്ത്രമാകും
ഓരോ വ്യക്തിയും അരികില്‍ അണയുമ്പോള്‍
നിന്‍ മുഖം കാണുമെന്നകക്കണ്ണുകള്‍
ഞാനുമെന്നേശുവും ഒന്നിച്ചു നിന്നാല്‍ 
ലക്ഷ്യം നേടാം വിജയം വരിക്കാം (2) (വെളുപ്പിനേ..)
                      2
ഓരോ ചുവടും മുന്നോട്ട് വയ്ക്കുമ്പോള്‍ 
നിന്‍ പാദമുദ്രകള്‍ ഞാന്‍ പിന്തുടരും
ഓരോ മാര്‍ഗ്ഗവും തിരഞ്ഞെടുത്തീടുമ്പോള്‍
നിന്നോട് ചോദിച്ചു വഴിയറിയും
ഞാനുമെന്നേശുവും ഒന്നിച്ചു നിന്നാല്‍ 
ലക്ഷ്യം നേടാം വിജയം വരിക്കാം (2) (വെളുപ്പിനേ..)
Comments