Malayalam Christian Songs‎ > ‎‎ > ‎

വരിക ദാസരിന്‍ വീടതില്‍

            പല്ലവി
വരിക ദാസരിന്‍ വീടതില്‍
മഹത്വ ദേവാ ഇന്നേരത്തില്‍
        അനുപല്ലവി
അരുമയുള്ള നിന്‍ അനുഗ്രഹം വരാന്‍
അടിമകള്‍ ഇരന്നീടുന്നേ- (വരിക..)
        ചരണങ്ങള്‍
                    1
ഇതു നിന്നുടെ വീടാകുവാന്‍
ഇതില്‍ നിന്‍ കീര്‍ത്തി പൊങ്ങീടുവാന്‍
സ്തുതി അപേക്ഷകള്‍ ദിനം പ്രതി ഇതില്‍
ശോഭയായ്‌ കഴിച്ചീടുവാന്‍- (വരിക..)
                    2
ഇതില്‍ പരിശുദ്ധി കൂടുവാന്‍
ഇതില്‍ നിന്‍മക്കള്‍ വാണീടുവാന്‍
ഇതില്‍ സന്തോഷവും നല്‍ സമാധാനവും 
ഇതു മുതല്‍ വസിച്ചീടുവാന്‍- (വരിക..)
                    3
തിരുകൃപ നിഴലാകുവാന്‍
തിരു ദൂതര്‍ കാവലാകുവാന്‍
തിരുസുതര്‍ തുണയാകുവാന്‍ കൂടെ
തിരുശുദ്ധാത്മന്‍ വാണീടുവാന്‍- (വരിക..)

Comments