Malayalam Christian Songs‎ > ‎‎ > ‎

ഉണര്‍ന്നെഴുന്നേല്‍ക്കുക തിരുസഭയേ


ഉണര്‍ന്നെഴുന്നേല്‍ക്കുക തിരുസഭയേ
മണവാളന്‍റെ വരവിനായ്‌ ഒരുങ്ങിടുക
വരുമതിവേഗമെന്നരുളിയവന്‍
പരിവാരങ്ങളോടിതാ വരുന്നു വാനില്‍

വരുമേ വാനത്തില്‍ പ്രിയകാന്തന്‍
പതിനായിരങ്ങളിലതി ശ്രേഷ്ഠന്‍ (2)
വിരവോടവനെ നാം എതിരേല്‍പ്പാന്‍
ഒരുങ്ങാം ഒരുങ്ങാം തിരുസഭയേ (2)
                        1
ഉടയവനരുളിയോരടയാളങ്ങള്‍
ഭൂവില്‍ നിറവേറുന്നോരോന്നും നിറവേറുന്നു
കൊടിയ വിനകളെങ്ങും നടമാടുന്നു
ദൈവസഭയേ നിന്‍ തലയെ നീ ഉയര്‍ത്തിടുക (വരുമേ..)
                        2
അശുദ്ധമാം വസനത്തെ എറിഞ്ഞിടുക
ദിവ്യമഹത്വത്തിന്‍ അലങ്കാരം ധരിച്ചിടുക
വിശുദ്ധിയെ തികച്ചു നീ ഒരുങ്ങി നിന്നാല്‍
സ്വര്‍ഗ്ഗമഹിമയില്‍ മണവാളന്‍ അണച്ചിടുമേ (വരുമേ..)
                        3
പ്രതിയോഗി വഴികളിലെതിര്‍ത്തിടട്ടെ 
പ്രതികൂലങ്ങളനുദിനം പെരുകിടട്ടെ
ജയവീരന്‍ യേശു മുന്‍ നടന്നിടുമേ
നിന്‍റെ കരം പിടിച്ചനുദിനം നടത്തിടുമേ (വരുമേ..)
                        4
നൊടി നേരത്തേയ്ക്കുള്ള ദുരിതമുണ്ടേ
അതിനൊടുവിലോ നിത്യമാം മഹിമയുണ്ട്
അനിത്യമാം സുഖത്തെ നീ വെറുത്തിടുമ്പോള്‍
നിത്യ മഹത്വത്തിന്‍ പ്രതിഫലം അനന്തമല്ലോ (വരുമേ..)

Comments