Malayalam Christian Songs‎ > ‎‎ > ‎

തിരുചരണ സേവ ചെയ്യും നരരിലതി

തിരുചരണ സേവ ചെയ്യും നരരിലതി പ്രേമമാര്‍ന്ന
പരമഗുണ യേശു നാഥാ നമസ്കാരം
                                1
നിജ ജനക സന്നിധിയും വിബുധരുടെ വന്ദനയും
വെടിഞ്ഞു വന്ന ദിവ്യ ഗുരോ നമസ്കാരം
                                2
പശുക്കുടിയ‌ില്‍ ജീര്‍ണ വസ്ത്രം അതില്‍ പൊതിഞ്ഞ രൂപമതു
ശിശു മശിഹാ തന്നെയവോ നമസ്കാരം
                                3
ക്രൂശില്‍ തിരു ദേഹം സ്വയം യാഗമാക്കി ലോക രക്ഷ
സാധിച്ചൊരു ധര്‍മ്മനിധേ നമസ്കാരം
                                4
പിതൃ സവിധമണഞ്ഞു മമ കുറവുകള്‍ക്ക് ശാന്തി ചെയ്‌വാന്‍
മരുവിടുന്ന മാന്യമതേ നമസ്കാരം
                                5
നിയുത രവിപ്രഭയോടിഹ പുനര്‍ഗമിച്ചു പാപികള്‍ക്ക്
നിരയ ശിക്ഷ നല്കും വിഭോ നമസ്കാരം
                                6
ഉലകിനുള്ള മലിനതകള്‍ അഖിലം പരിഹരിച്ചു ഭൂവില്‍
ദശ ശതാബ്ദം വാഴുവോനെ നമസ്കാരം (തിരുചരണ..)
Comments