Malayalam Christian Songs‎ > ‎‎ > ‎

സ്തുതിപ്പിന്‍ ജനമേ സ്തുതിപ്പിന്‍ യഹോവയെ

സ്തുതിപ്പിന്‍ ജനമേ സ്തുതിപ്പിന്‍ യഹോവയെ
അവന്‍ നല്ലവനല്ലോ സ്തുതിപ്പിന്‍
                            1
പതിനായിരത്തില്‍ അതിശ്രേഷ്ടനവന്‍
ദൂതര്‍ സ്തുതികളിലെന്നും വസിക്കുന്നവന്‍
അവന്‍ നാമത്തെ ഭയപ്പെടുവിന്‍ (സ്തുതിപ്പിന്‍..)
                            2
അവന്‍ ദയയും കരുണയും അലിവുമുള്ളോന്‍
ദീര്‍ഘക്ഷമയും കൃപയും അരുളുന്നവന്‍
അവന്‍ നാമത്തെ ഉയര്‍ത്തിടുവിന്‍ (സ്തുതിപ്പിന്‍..)
                            3
നിലവിളിച്ചിടുമ്പോള്‍ ചെവിചായിച്ചിടുന്നോന്‍
വലങ്കരത്താല്‍ നമ്മെ താങ്ങി നടത്തുന്നവന്‍
അവന്‍ നാമത്തെ പുകഴ്ത്തിടുവിന്‍ (സ്തുതിപ്പിന്‍..)
                            4
ദുഃഖം മുറവിളികഷ്ടത നീക്കിടുമേ
കണ്ണുനീരവന്‍ കരങ്ങളാല്‍ തുടച്ചിടുമേ
അവന്‍ കരുതുന്നതാല്‍ സ്തുതിപ്പിന്‍ (സ്തുതിപ്പിന്‍..)
                            5
തന്നെ കാത്തിരിപ്പോര്‍ ശക്തിയെ പുതുക്കും
കഴുകനെപ്പോല്‍ ചിറകടിച്ചുയര്‍ന്നിടുമേ
മഹത്വം അവന്‍ എന്നുമെന്നേക്കും (സ്തുതിപ്പിന്‍..)
Comments