Malayalam Christian Songs‎ > ‎‎ > ‎

ഒരു നിമിഷവും മനമേ - അകലെ ഇരിക്കരുതേ നീയേ


            പല്ലവി
ഒരു നിമിഷവും മനമേ - അകലെ
ഇരിക്കരുതേ നീയേ
        അനുപല്ലവി
അരുമരക്ഷകന്‍ തിരുവടി തുടര്‍ന്നീടുക
നിരന്തരമേ ശുഭമേ
        ചരണങ്ങള്‍
                 1
ഉഷസ്സതിന്‍ ചിറകുകളാല്‍ - പറന്നു
ഉന്നത സമക്ഷമതില്‍
വസിക്ക നീ രാപ്പകല്‍ നോക്കുക തിരുപ്പാദം
മംഗല മാര്‍ഗ്ഗമിതേ (ഒരു..)
                 2
ആശയ്ക്കു യോഗ്യപരന്‍ - തിരുമുന്‍
അടുത്തവര്‍ക്കനുഗ്രഹമേ
യാചന സമസ്തവും സാധിക്കും അടുത്താല്‍
യാതൊന്നും വ്യസനമില്ലേ (ഒരു..)
                 3
കരുണയും തിരുബലവും - യേശുവിന്‍
കരളലിവൈശ്വര്യവും
തരും നിനക്കതിശയ ദാനമെന്നറിക നീ
സംശയിച്ചീടാതെ (ഒരു..)
                 4
അടുത്തവര്‍ക്കടുത്തവന്‍ താന്‍ - ആനന്ദം
അഖിലവും തരും പരന്‍ താന്‍
മടിക്കരുതേ മയങ്ങീടരുതേ ശുഭ
മംഗല കാരണമേ (ഒരു..)

(പോര്‍ത്തുഗീസ് - ഏകതാളം)

Comments