നല്ല പോരാട്ടം പോരാടി ഓട്ടമോടിടാം വല്ലഭന്‍റെ നല്ല പാത പിന്‍തുടര്‍ന്നിടാം ഭാരം പാപം തള്ളി ലക്ഷ്യം നോക്കി നേരെ മുന്നോട്ടോടി ഓട്ടം തികയ്ക്കാം 1 ഓട്ടക്കളത്തില്‍ ഓടുന്നോര്‍ അനേകരെങ്കിലോ വിരുതു പ്രാപിക്കുന്നതേകന്‍ മാത്രമല്ലയോ - (ഭാരം..) 2 പിന്നിലുള്ളതൊക്കെയും മറന്നു പോയിടാം മുന്നിലുള്ള ലാക്കിലേക്കു നേരെ ഓടിടാം - (ഭാരം..) 3 ആശ ഇച്ഛയൊക്കവേ അടക്കി ഓടുകില്‍ ആശ വെച്ച പന്തയപ്പൊരുള്‍ ലഭിച്ചിടും - (ഭാരം..) 4 ഏതു നേരത്തും പിശാചിടര്‍ച്ച ചെയ്തിടും ഭീതി വേണ്ട ദൂതരുണ്ടു കാത്തുകൊള്ളുവാന്‍ - (ഭാരം..) 5 കാടുമേടു കണ്ടു സംശയിച്ചു നില്‍ക്കാതെ ചാടി ഓടി പോകുവാന്‍ ബലം ധരിച്ചിടാം - (ഭാരം..) 6 ഓട്ടം ഓടുവാന്‍ അനേകര്‍ മുന്‍വന്നെങ്കിലോ ലോത്തിന്‍ ഭാര്യപോലെ പിന്നില്‍ നോക്കി നിന്നുപോയ്‌ - (ഭാരം..) 7 അങ്ങുമിങ്ങും നോക്കിയാല്‍ നീ മുന്നില്‍ പോയിടാ ഭംഗമില്ലാതോടുകില്‍ കിരീടം പ്രാപിക്കാം - (ഭാരം..) 8 ഓട്ടം തീരും നാള്‍ സമീപമായി കാഹളം കേട്ടിടാന്‍ സമയമായി വേഗം ഓടീടാം - (ഭാരം..) 9 ആദി ഭക്തരോട്ടമോടി വിശ്രമിച്ചിടും നാട്ടില്‍ ചേര്‍ന്നു പാട്ടുപാടി ആനന്ദിച്ചിടാം - (ഭാരം..) |
Malayalam Christian Songs > ന >
