Malayalam Christian Songs‎ > ‎‎ > ‎

മാനസമേ ശ്രീ-യേശുവെ ഭജ നീ


മാനസമേ ശ്രീ-യേശുവെ ഭജ നീ
മതികെട്ടുപോകാതെ
            ചരണങ്ങള്‍
മന്നവമന്നവ - നുന്നതനായക
നന്ദനനാം മനുവേലനെ എന്നും- (മാനസമേ..)
                      1
ബെതലേം പുരിയതി-ലൊരു പശുശാലേ
യുദജയായൊരു - നാരിയില്‍ ജനിച്ചോന്‍ - (മാനസമേ..)
                      2
പാരിതിലെഴും പര - മാധികള്‍ തീര്‍പ്പാന്‍
ഘോരതയേറിയ - വേദന സഹിച്ചോന്‍ - (മാനസമേ..)
                      3
യെറുശലേം നഗരിയില്‍ - കഠിന വേദനയേ-
റ്റൊരു കുരിശതില -ങ്ങേറി മരിച്ചോന്‍ - (മാനസമേ..)
                      4
നരകാരിഷ്ടത - തീര്‍ത്തുടന്‍ മുന്‍
അരുള്‍പോല്‍ മൂന്നാം ദിവസമുയിര്‍ത്തോന്‍ - (മാനസമേ..)
                      5
നരരിപുവരനെ - ജയിച്ചതിഘോഷം
പരമണ്ഡലമതി - ലേറിയിരിപ്പോന്‍ - (മാനസമേ..)

Comments