Malayalam Christian Songs‎ > ‎‎ > ‎

ക്രിസ്തുയേശു ശിഷ്യരുടെ കാലുകളെ കഴുകീട്ടു


1. ക്രിസ്തുയേശു ശിഷ്യരുടെ കാലുകളെ കഴു-
   കീട്ടു തന്നുടുപ്പു-കളുടുത്ത ശേഷം (2)
   പിന്നെയും ചാരിയിരുന്നു ചൊന്നവരോടു ഞാൻ
   ഇന്നു നിങ്ങളോടു ചൊന്നതിന്നതെന്നുള്ളിൽ (2)

2. നിങ്ങൾ അറിയുന്നുവോ ഗുരുവുമധിപനു മെ-
   ന്നിങ്ങനെ നിങ്ങൾ വിളിച്ചീടുന്നതെന്നെ (2)
   അങ്ങിനെ ഞാനാകയാൽ നന്നായുരയ്ക്കുന്നു-യെന്നാൽ
   നിങ്ങളുടെ നാഥനും ഗുരുവുമായ ഞാൻ (2)

3. നിങ്ങൾ പാദങ്ങളെ കഴുകിയെങ്കിൽ തമ്മിൽ
   നിങ്ങളും പാദങ്ങളെ കഴുകേണ്ടതാകുന്നു (2)
   നിങ്ങളോടു ചെയ്തവണ്ണം നിങ്ങളും ചെയ്യാനൊരു-
   മംഗല ദൃഷ്ടാന്തമിന്നു തന്നു നിങ്ങൾക്കു (2)

4. ആമേനാമേൻ നിങ്ങളോടു ഞാനുരയ്ക്കുന്നു തൻ-
   കർത്താവിനേക്കാൾ ദാസനു-മയച്ചവനെക്കാൾ (2)
   ദൂതനും വലുതല്ല-യിവ നിങ്ങളറിയുന്നെങ്കിൽ-
   ചെയ്തു-വെന്നാലവ നിങ്ങൾ ധന്യരാകുന്നു (2)

5. ഇങ്ങനെ താഴ്മ ഉപദേശിച്ചു യേശുവേ ദോഷം-
   തിങ്ങി-യേറ്റം പൊങ്ങിയുള്ളോരീയടിയനെ (2)
   ഭംഗിയിൽ താഴ്മപ്പെടുത്തി മംഗലമാക്കി-
   കൃപ താങ്ങുവാൻ തിരുകടാക്ഷമിങ്ങു നൽകുക (2)

Comments