പല്ലവി കർത്താവേ മാ-പാപി-യെന്നെ വീണ്ട കൃപയും നിൻ മഹാസ്നേഹവും സന്തതം വാഴ്ത്തും ഞാൻ (എൻ കർത്താവും ദൈവവുമേ) ഉന്നതം വെടിഞ്ഞീ മന്നിതിൽ വന്നെന്നെ ധന്യനായ് തീർത്തതിനാൽ നന്ദിയാലെന്നുള്ളം നന്നേ നിറയുന്നെൻ ഖിന്നത നീക്കിയതാൽ (കർത്താവേ മാ-...എൻ കർത്താവും) ചരണങ്ങള്‍ 1. ലോകത്തിൽ വന്നു സാധുവായ് ജീവിച്ചു നല്ലൊരു മാതൃക ഞങ്ങൾക്കായ് തന്നു നീ പാപിയെ സ്നേഹിച്ചു പാപത്തെ വെറുത്തു നീ ജീവൻ നൽകി വീണ്ടെടുത്തു ക്രൂശിന്മേൽ കാൽകരം തൂങ്ങിയെൻ ഘോരമാം പാപത്തിൻ മറുവിലയായ് (കർത്താവേ മാ-...എൻ കർത്താവും) 2. വൈരികൾ നിന്ദയും ദൂഷ്യവും ചൊല്ലുമ്പോൾ ക്ലേശങ്ങൾ ശോകങ്ങൾ ശോധനയേറുമ്പോൾ ശത്രുവെ സ്നേഹിപ്പാൻ മിത്രമായ് കരുതീടാൻ അവർക്കായ് പ്രാർത്ഥിക്കുവാൻ കഷ്ടത തന്നിലും തുഷ്ടരായ് മേവിടാൻ കർത്താവേ തുണയരുൾക (കർത്താവേ മാ-...എൻ കർത്താവും) 3. സത്യത്തിൽ ജീവിപ്പാൻ നീതിയിൽ ശോഭിപ്പാൻ ശുദ്ധിയിൽ വളർന്നീടാൻ ഭക്തിയിൽ തികഞ്ഞീടാൻ പാറക്ലീത്തായെ നിൻ ആഴമാം ജ്ഞാനത്താൽ നിത്യവും നയിക്കണമേ നിൻഹിതം പോലെന്നും സൽഫലം നൽകീടാൻ ഏഴയെ പ്രാപ്തനാക്ക (കർത്താവേ മാ-...എൻ കർത്താവും)
Song Lyrics & video of 'karthave maa papiyenne veenda krupayum |
Malayalam Christian Songs > ക >
