Malayalam Christian Songs‎ > ‎‎ > ‎

എന്നുള്ളമേ സ്തുതിക്ക നീ പരനെ

എന്നുള്ളമേ സ്തുതിക്ക നീ പരനെ തന്‍
നന്മകള്‍ക്കായ് സ്തുതിക്കാം സ്തുതിക്കാം
എന്നന്തരംഗമേ അനുദിനവും
നന്ദിയോടെ പാടി സ്തുതിക്കാം
                    1
സുരലോക സുഖം വെടിഞ്ഞു
എന്നെ തേടി വന്ന ഇടയന്‍
തന്‍റെ ദേഹമെന്ന തിരശ്ശീല ചീന്തി
തവ മോക്ഷ മാര്‍ഗ്ഗം തുറന്നു
                    2
പാപരോഗത്താല്‍ നീ വലഞ്ഞു
തെല്ലും ആശയില്ലാതലഞ്ഞു
പാരം കേണീടുമ്പോള്‍ തിരുമേനിയതില്‍
എന്‍റെ വ്യാധിയെല്ലാം വഹിച്ചു
                    3
പലശോധനകള്‍ വരുമ്പോള്‍
ഭാരങ്ങള്‍ പെരുകിടുമ്പോള്‍
എന്നെ കാത്തുസൂക്ഷിച്ചൊരു കാന്തനല്ലോ
എന്‍റെ ഭാരമെല്ലാം ചുമന്നു
                    4
ആത്മാവിനാലെ നിറച്ചു
ആനന്ദമുള്ളില്‍ പകര്‍ന്നു
പ്രത്യാശ വര്‍ദ്ധിപ്പിച്ച് പാലിച്ചീടും
തവ - സ്നേഹമതിശയമേ (എന്നുള്ളമേ..)
Comments