അടവിതരുക്കളിന്നിടയില്‍ ഒരു നാരകം എന്നവണ്ണം (2) വിശുദ്ധരിന്‍ നടുവില്‍ക്കാണുന്നേ അതിശ്രേഷ്‌ഠനാമേശുവിനെ (2) വാഴ്‌ത്തുമേ എന്‍റെ പ്രിയനെ ജീവകാലമെല്ലാം ഈ മരുയാത്രയില്‍ നന്ദിയോടെ ഞാന്‍ പാടിടുമേ (2) 1 പനിനീര്‍ പുഷ്പം ശാരോനിലവന്‍ താമരയുമേ താഴ്‌വരയില്‍ (2) വിശുദ്ധരില്‍ അതിവിശുദ്ധനവന്‍ മാ- സൗന്ദര്യ സന്പൂര്‍ണ്ണനെ (2) (വാഴ്‌ത്തുമേ..) 2 പകര്‍ന്നതൈലം പോല്‍ നിന്‍ നാമം പാരില്‍ സൗരഭ്യം വീശുന്നതാല്‍ (2) പഴി ദുഷി നിന്ദ ഞെരുക്കങ്ങളില്‍ എന്നെ സുഗന്ധമായ് മാറ്റിടണേ (2) (വാഴ്‌ത്തുമേ..) 3 മന:ക്ലേശതരം‍ഗങ്ങളാല്‍ ദു:ഖസാഗരത്തില്‍ മുങ്ങുമ്പോള്‍ (2) തിരുക്കരം നീട്ടി എടുത്തണച്ച് ഭയപ്പെടേണ്ട എന്നുരച്ചവനേ (2) (വാഴ്‌ത്തുമേ..) 4 തിരുഹിതമിഹെ തികച്ചിടുവാന്‍ ഇതാ ഞാനിപ്പോള്‍ വന്നിടുന്നേ (2) എന്‍റെ വേലയെ തികച്ചും‍കൊണ്ടു നിന്‍റെ മുന്‍പില്‍ ഞാന്‍ നിന്നിടുവാന്‍ (2) (വാഴ്‌ത്തുമേ..) |
Malayalam Christian Songs > അ >
